دوبيت حليل الحلة - الشاعر إبراهيم محمد زبرماوي

حليل الحلة/capten hima
كلمات /الشاعر الزبرماوي

حليل الحلة يا خلاي حليل ودجابر
حليل الفيها أجدادنا العزاز يا عامر
بوزن القافية دايما مع حروفي بسامر
وقول يالله في الأحلام اجيها عابر.
&& &&& &&&

حليل اللمة والزمن البعيد يا ساسا
حليل الشدة في الرملة البتشبه ماسة
قول للبعرف القرية الجميلة وناسا
وينو الكانو بي طرف البحر وناسة؟

&&&&&&&&
حليل الضفة والصيد العجيب يا عبدو
حليل أيامنا والأفراح كتار اتعدو
أسأل صاحبك العيساوي واسمع ردو
وينو البمسك البلطي الشرس بي يدو؟

&&&&&&&&&
حليل الجار زمن يصبح يصبح جارو
بيعرف حالو قبال ما بيضرم نارو
جارك وصلو يالعيساوي واقصد دارو
سمح الزول وقت يحفظ حقوق جيرانو

&&&&&&&
حليل زمن الشليل والشلة كلها معانا
نضج بالقيفة حت بانت تكون سامعانا
زمنا فيو بيورد في البحر غنامة
هسي القرية من مويت الشراب عدمانة

تحياتي/ أبو روان الزبرماوي