مجادعة بين الشاعر إبراهيم زبرماوي والشاعرة خديجة محمد حسين

‏
نص مشترك قصير
[مجادعة] بين الشاعر الزبرماوي و الأساذة صاحبة الحرف الرصين خديجة محمد حسين.

‏
[إبراهيم محمد]

[1]قلنا نختار في القوافي
الحروف كاسيو حريرة

[2] نرسل الأحرف نصافي
سلامنا لي ناس الجزيرة.

‏

[خديجة محمد]

[1]تسلم الأحرف وحاتكم
اللجات قاصدة الجزيرة

[2]نمزج الأفراح معاكم
وتفضل الكلمات حنينة

[3]نفحة أشواقنا بتسارع
للقضارف ديما ديما.

‏
[إبراهيم محمد]

[1]شوفو قافيتنا البتحكي
شايلة أشواقنا الأكيدة

[2]بيها تتقدل وتشكي
من مسافاتا طويلة

[3]سلامنا من ريف القضارف
قصدو لي قلب الجزيرة
‎‏


[خديجة محمد]

[1]يسلمو الغالين علينا
من القضارف والجزيرة

[2]نحنا بنوصل سلامنا
وكل تحايانا الجميلة

[3]لي ربوع وطنا مسالم
فيه موجود العزيمة٠

‏ [إبراهيم محمد]

[1]وا حظوظ ناس القضارف
شتت الأشواق هجيجا

[2]جات قماري الحلة تحمل
كل تحاياكم خديجة.

[3]يسلم الوطن الجمعنا
ونبقا للأفرح أسيرا

‏

تحايانا/أبو روان الزبرماوي
وخديجة محمد حسين.

‏

جميل جدا