بسأل عليك Capten hima
إبراهيم محمد / زبرماوي
[¤] بسأل عليك طيف الغرام
ادمنت طيفك جيتو
[¤]كل مرة أحكيلو الحصل
خلينا منو وقصتو
[¤] ما قلبي في سجنك أسير
أسقيهو واحكم قبضتو
[¤] واديهو من زاد الغرام
لو مرة بانت جوعتو
[¤]وانا شوقي ليك زي الوليد
راح منو أمو الولدتو
[¤]زي المزارع في الخريف
شاحد السحاب من قطرتو
[¤]بنظر مأمل في الغمام
يا الله منك هطلتو.
[¤] كيفن أوصف شوقي ليك
هيطول كلامو وحصتو.
[¤]بسأل عليك شجن السنين
والفرقة يومها ولحظتها.
[¤]والريدة يا ست الغرام
مرات موقدة سكتها.
[¤] ما الريدة يا أجمل ملاك
حراقة نارا وعبرتها.
[¤]يا الفيكي سمحات الخصال
الروح فداك وبهجتها
[¤]بهديكي نبضات القليب
دنيايا منك ضحكتها
[¤]يا روعة الروح الجميل!
إنتي السماحة وآيتها.
#كابتن_هيما_
من طرف 
