ﺍﻟﺠـــﺮﺍﺣﺎﺕ ﺍﻟﻌﻤـﻴﻘـﻪ / المبدعة - لوسين أحمد حسن - السودان
ﻳﺎ ﻗﻤﺎﺭﻱ ﻛﻔﺎﻙ ﺍﺳﻜﺘﻲ
ﻓﺘﻘﺘﻲ ﻟﻲ ﺟﺮﻭﺣﻲ ﺍﻟﻌﻤﻴﻘﻪ
ﻻ ﺳﻌﺎﺩﻩ ﺗﻄﻞ ﺣﻴﺎﺗﻲ
ﻭﻻ ﺍﻟﻬﻤﻮﻡ ﺍﻧﺎ ﻗﺎﺩﺭﻩ ﺍﻃﻴﻘﻪ
ﺍﻟﻠﻴﺎﻟﻲ ﻇﻼﻣﻪ ﺣﺎﻟﻚ
ﺭﻏﻢ ﺍﻧﻮ ﻳﺸﻊ ﺑﺮﻳﻘﻪ
ﻭﺍﻟﺤﻘﻴﻘﻪ ﺗﺮﺍﻫﺎ.ﻭﺍﺿﺤﻪ
ﺭﻏﻢ ﺍﻧﻮ ﺻﻌﺐ ﻃﺮﻳﻘﻪ
ﺍﻟﺪﻣﻊ ﺷﻼﻟﻮ ﻫﺎﺩﺭ
ﺍﻻ ﻣﺎ ﻃﻐﻲ ﺍﻟﺤﺮﻳﻘﻪ
ﻣﺎﻟﻲ ﺩﻭﻥ ﺍﻟﻨﺎﺱ ﻣﺸﺎﺗﺮ
ﻭﺣﺪ ﻣﺴﻴﺮﺗﻲ ﺍﻟﻨﺎﺱ ﺗﻌﻴﻘﻪ
ﻳﺎ ﻗﻤﺎﺭﻱ ﻛﻔﺎﻙ ﺍﺳﻜﺘﻲ
ﺑﺎﻟﻨﻮﺍﺡ ﻗﺪﺩﺗﻲ ﻛﺒﺪﻱ
ﻭﺣﺖ ﺷﻔﺎﻱ ﺟﻔﻔﺘﻲ ﺭﻳﻘﻪ
ﻳﺎ ﻗﻤﺎﺭﻱ ﻋﻠﻴﻚ ﺍﻟﻠﻪ
ﺍﺭﺣﻤﻲ ﺍﻟﻘﻠﺐ ﺍﻟﻤﻌﻨﻲ
ﻣﺎ ﺍﻧﺘﻲ ﻟﻲ ﺍﺟﻤﻞ ﺭﻓﻴﻘﻪ
ﻳﺎ ﻗﻤﺎﺭﻱ ﻋﻠﻲ ﺣﻨﻲ
ﻻ ﺗﺰﻳﺪﻱ ﻋﻠﻲ ﺟﻨﻲ
ﺗﻌﺎﻟﻲ ﺍﻧﺘﻲ ﻣﻌﺎﻱ ﻏﻨﻲ
ﻧﻮﻟﻒ ﺍﻟﻜﻠﻤﺎﺕ ﻣﻮﺳﻴﻘﻪ
ﻣﻦ ﻋﺬﺍﺏ ﻗﻠﺒﻲ ﺍﻟﻤﻮﺟﻊ
ﻛﻮﻧﻲ ﻣﺮﻩ ﻋﻠﻲ ﺷﻔﻴﻘﻪ
ﻣﺎﻟﻨﺎ ﻣﺎﻝ ﺍﻟﻬﻢ ﻭﻏﻠﺒﻮ
ﻣﺎﻟﻨﺎ ﻭﺍﻟﻘﺎﺻﺪﻳﻦ ﻳﺨﺮﺑﻮ
ﺍﻟﻠﻪ ﺑﺲ ﻋﻨﺪﻭ ﺍﻟﺤﻘﻴﻘﻪ
ﻛﻞ ﺯﻭﻝ ﻓﻲ ﺍﻟﺪﻧﻴﺎ ﻋﺎﻳﺶ
ﻭﻛﻞ ﻋﺎﺷﻖ ﻟﻴﻬﻮ ﻋﺸﻴﻘﻪ
ﺣﺖ ﻧﻈﺎﻡ ﺍﻟﻜﻮﻥ ﻣﺪﻭﺯﻥ
ﻭﻛﻞ ﺷﻖ ﻣﻌﺎﻫﻮ ﺷﻘﻴﻘﻪ
ﺍﻻ ﺍﻧﺎ ﺍﻟﻌﻨﺼﺮ ﻣﺤﺎﻳﺪ
ﺍﻟﻘﻤﺎﺭﻱ ﺑﻘﺖ ﺭﻓﻴﻘﻪ
ﻭﺣﺪﻭ ﺭﺏ ﺍﻟﻜﻮﻥ ﻣﺨﻴﺮ
ﻟﻲ ﻫﻤﻮﻣﻨﺎ ﻳﺠﺪ ﻃﺮﻳﻘﻪ
ﻭﺣﺪﻭ ﺭﺏ ﺍﻟﻜﻮﻥ ﻣﺨﻴﺮ
ﻟﻲ ﺣﺰﻧﺎ ﻳﺠﺪ ﻃﺮﻳﻘﻪ
ﻟﻮﺳﻴﻦ ﺍﺣﻤﺪ ﺣﺴﻦ
ﻟﺆﻟﺆﺓ