ﺍﻟﻘﺼﺎﺻﺎﺕ ﺍﻟﻘﺪﻳﻤﻪ...
الشاعرة السودانية المبدعة-لوسين أحمد حسن



[¤]ﺍﻟﻘﺼﺎﺻﺎﺕ ﺍﻟﻘﺪﻳﻤﻪ
ﺍﻟﺤﻴﺎﺓ ﻣﺮﺍﺕ ﺍﻟﻴﻤﻪ
[¤]ﻣﺮﻩ ﺑﻲ ﺧﻴﺮﺍ ﻭﻧﻌﻴﻤﻪ
ﻭﻣﺮﻩ ﺑﺘﻮﺭﻳﻚ ﺟﺤﻴﻤﻪ
[¤]ﻣﺮﻩ ﺯﻱ ﻣﻄﺮ ﺍﻟﺴﻮﺍﺭﻱ
ﻻ ﻣﻤﺮﺍﺕ ﻻ ﻛﺒﺎﺭﻱ
[¤]ﺍﻟﻔﻲ ﻃﺮﻳﻘﻪ ﺗﺸﻴﻠﻮ ﺩﻳﻤﻪ
ﻣﺮﻩ ﺯﻱ ﺍﻟﻮﺍﺣﻪ ﻏﻴﻤﻪ
[¤]ﺗﺰﺩﻫﺮ ﺻﻔﺤﺎﺕ ﺣﻴﺎﺗﻨﺎ
ﻭﻣﺮﻩ ﺑﺎﻻﺣﺰﺍﻧﺎ ﻋﻘﻴﻤﻪ
[¤]ﻣﺮﻩ ﻏﺎﻟﻴﻪ ﻭﻟﻴﻬﺎ ﻗﻴﻤﻪ
ﻣﺮﻩ ﻗﻴﻤﺔ ﺍﻟﺰﻭﻝ ﺭﺧﻴﺼﻪ
[¤]ﺣﺪ ﻳﻜﺎﻓﺢ ﻓﻲ ﺍﻟﻤﻌﻴﺸﻪ
ﻓﻲ ﺍﻟﻤﺼﺎﻧﻊ ﻭﺍﻟﻤﺰﺍﺭﻉ
ﻛﻠﻮ ﻣﻦ ﺩﻏﺶ ﺍﻟﻠﻪ ﻃﺎﻟﻊ
[¤]ﻋﺸﻤﻮ ﻟﻮ ﻳﻠﻘﺎﻟﻮ ﻋﻴﺸﻪ
ﻋﻴﺸﻪ ﺍﺗﺼﻌﺐ ﻃﺮﻳﻘﻪ
ﺍ[¤]اﻟﺠﻨﻴﻪ ﻣﺤﺮﻭﻕ ﺣﺮﻳﻘﻪ
ﻧﺎﺱ ﺗﻌﺎﺑﻪ ﻭﻧﺎﺱ ﻏﻼﺑﻪ
ﻳﺎﺭﺑﻲ ﻛﻴﻒ ﻳﻨﺒﻞ ﺭﻳﻘﻪ
[¤]ﺍﻟﻤﺴﺎﻛﻴﻦ ﺍﻟﺤﻴﺎﺭﻩ
ﻭﺑﺮﺿﻮ ﻧﺎﺱ ﺧﻠﺖ ﺩﻳﺎﺭﻩ
[¤]ﻛﻠﻮ ﻣﻦ ﺍﺟﻞ ﺍﻟﻤﻌﻴﺸﻪ
ﻧﺎﺱ ﺣﻔﺎﻳﻪ ﻭﻧﺎﺱ ﻋﺮﺍﻳﺎ
ﻭﻧﺎﺱ ﻇﻼﻻ ﻳﻜﻮﻥ ﻋﺮﻳﺸﻪ
[¤]ﻧﺎﺱ ﺗﻤﻮﺕ ﺑﺎﻟﻮﺟﻌﻪ ﻳﻮﻣﻲ
ﻧﺎﺱ ﺗﻤﻮﺕ ﻳﺎﻧﺎﺱ ﻓﻄﻴﺴﻪ
[¤]ﻧﺎﺱ ﻧﻀﻴﻔﻪ ﻭﻧﺎﺱ ﺷﺮﻳﻔﻪ
ﻧﺎﺱ ﻣﻮﺳﺦ ﺩﻳﻤﻪ ﻓﻴﺸﻪ
[¤]ﻟﻴﻪ ﺩﺍ ﻛﻠﻮ ﻋﻠﻴﻜﻢ ﺍﻟﻠﻪ?
ﻟﻴﻪ ﻧﻤﻮﺕ ﻣﻐﺼﻪ ﻭﻣﺰﻟﻪ
ﻧﺤﻦ ﻗﻮﻡ ﻛﺮﻣﻨﺎ ﻟﻠﻪ
[¤]ﺧﻴﺮﻧﺎ ﻭﺍﻓﺮ ﻭﻧﻴﻠﻨﺎ ﺷﺮﺍ
ﻧﺤﻦ ﻧﺎﺱ ﺻﺎﺩﺭﻧﺎ ﺑﺮﻩ
ﺍ[¤]ﻳﻪ ﻟﺰﻭﻡ ﺳﻮ ﺍﻟﻤﻌﻴﺸﻪ?
ﻣﻦ ﻗﺼﺎﺻﺎﺗﻨﺎ ﺍﻟﻘﺪﻳﻤﻪ
[¤]ﺟﻨﻴﻬﻨﺎ ﺍﻭﻝ ﻟﻴﻬﻮ ﻗﻴﻤﻪ
ﻭﺍﻟﻨﻮﺍﻳﺎ ﻛﻤﺎﻥ ﺳﻠﻴﻤﻪ
[¤]ﻫﺴﻲ ﻛﻞ ﺯﻭﻝ ﻓﻲ ﻃﺮﻳﻘﻮ
ﻭﻛﻞ ﺣﺎﻛﻢ ﺑﺎﻟﺒﻌﻴﻘﻮ
[¤]ﻭﺍﻻﻣﺎﻥ ﺍﻧﺴﺪ ﻃﺮﻳﻘﻮ
ﺍﻟﻨﻀﻴﻒ ﺑﻴﺘﻢ ﺣﺮﻳﻘﻮ
[¤]ﻭﻟﻴﻪ ﺩﺍ ﻛﻠﻮ ﻋﻠﻴﻜﻢ ﺍﻟﻠﻪ?
ﻟﻴﻪ ﻧﻜﺎﺑﺮﻟﻴﻪ ﻧﺠﺎﻫﺮ
ﺑﺎﻟﻌﺪﺍﻭﻩ
[¤]ﺍﻟﺴﻴﺎﺳﻪ ﺗﺮﺍﻫﺎ ﻭﺍﺿﺤﻪ
ﻭﻛﻠﻮ ﺑﻨﺤﻞ ﺑﺎﻟﻬﺪﺍﻭﻩ
[¤]ﺍﻟﺴﻮﺩﺍﻧﻲ ﺩﻭﺍﻡ ﻣﺴﺎﻟﻢ
ﻭﺍﺣﺰﺭﻭ ﺍﻥ ﻗﺎﻡ ﻟﻠﻌﺪﺍﻭﻩ

ﻟﻮﺳﻴﻦ ﺍﺣﻤﺪ ﺣﺴﻦ